Зейнеткерді соққыға жығып, тонап кеткен

Тәртіп сақшыларына қарақшылық оқиға жайлы хабар дәрігерлерден түскен. Зейнеткердің айтуынша, белгісіз біреу үйіне кіріп, ақша талап еткен. Қорыққан әже ақша салынған сөмкені ұстатқан көрінеді. Қарақшы сөмкені ала отырып, қария шағымданбас үшін басынан қатты затпен ұрып құлатқан. Шемонаиха ІІАБ мамандары тоналған үйге жақын маңда ішімдік ішіп жүрген күдіктіні шұғыл анықтаған. Күдікті - 57 жастағы бұрын істі болған азамат. Қазір ол уақытша қамау изоляторына тоғытылды.