Өскеменде екі адам иіс газынан уланып көз жұмды

2 қаңтар күні өрт сөндірушілерге бес қабатты үйдің пәтері отқа оранғаны жайлы хабарлама келіп түскен. Ал оқиға орнына барған өрт сөндірушілер арнайы саты қойып, пәтердің терезесіне көтеріліп, өртті сөндірген.

От өшкен соң, пәтердің ішіне кірген құтқарушылар 78 жастағы қария мен оның 41 жастағы ұлының естен танып жатқанын көреді. Алайда олардың иіс тиіп қаза тапқаны белгілі болды.

Өскемен қаласы Төтенше жағдайлар басқармасы үй иелерінің электр тоғы мен оған қосылған жабдықтарға немқұрайлы қарағаны себеп болуы мүмкін дейді. Ал өлім құшқан жандардың көршісі олардың ішімдікті көп ішетіндігін айтқан.

Ал 30 желтоқсаннан бері үшінші қаңтарға дейін Өскеменде он өрт оқиғасы болған.