Өскемен мен ШҚО Өскеменді әсемдеуге қанша қаржы жұмсалды?
Өскеменде Жаңа жылға дайындауға қала қазынасынан қаржы бөлінген
Қаланы Жаңа жылдық мерекеге дайындап, әсемдеу үшін ТҮКШ бөлімінен 50 млн теңге бөлінген, деп хабарлайды Tengri News.
Бұл қаржыға Республика алаңына шырша орналастырылып, орталық алаңдағы ағаштар сәнделген, Комендантка өзені бойындағы саябаққа шырша қойылып, декорациясы жасалған. «Карета», «2018» мүсіні жасалды. «Нұрлы жол» паркі сәнделген. Ушанов алаңындағы шыршаларға әшекейлер ілініп, ММС алдындағы шыршаға гирляндалар тағылған.
Одан бөлек, бұл қаржыға даңғыл, көше бойындағы ағаштар, саябақ, драма театр маңы, мешіт алды да мерекелік реңкке келтірілген. Мұз айдыны мен сырғанақ салуға да аталған сомадан қаржы жұмсалған.