Өскемен мен ШҚО Өскеменде жаңа салынған пәтерлердің төбесі құлағалы тұр
Өскемен қаласының 19-шы шағын ауданындағы салынған үйдің төбесінен су тамып, жаңа қоныстан тұрғындардың мазасы қашуда
Оқиға Есенберлин көшесінің 4/2-үйінде орын алған. Ал тұрғындардың айтуынша, жаңадан салынған үйге күзде ғана қоныс тепкен.
- Екі пәтердің төбесі құлап кетті. Жылу да, ыстық су да жоқ. Төбеден су ағып тұр. Ал пәтерлердің бірінде сәбиі бар жанұя тұрады, - дейді пәтер тұрғыны.
Өскемен қалалық құрылыс бөлімінің мамандары жағдайдан хабардар болып шықты. Шенеуніктер жағдайды реттеуге кірісіп кеткен. Төбесін құлаған пәтерге жөндеу жасап, коммуналды қызмет түрлерін тартатын болды.
- Құбыр жарылып кеткен, Тұрғын үй пәтер иелері кооперативі сорғышты дұрыс орнатпаған. Су мен жылу тартылды. Екі пәтерді да Жаңа жылға дейін жөндеп береміз, - дейді бөлім басшысы Асхат Өтебаев.
Мекеме мәселені өз қолына алғанын әрі бұған кінәлілердің жауапқа тартылатынын айтты.
Следующая →