ШҚО-да ақ түсті жедел жәрдем көліктері сары түске боялады

Ал Өскемен қаласы жедел жәрдем бекетінің бас дәрігері Марат Ластаевтың айтуынша, бір көлікті бояу үшін 150 мың теңге қаржы жұмсалмақ.

- Көліктің сырты бояла ма әлде жай ғана сары жапсырма жабыстырылады ма, ол жағын әлі шешкен жоқпыз. Алайда бір көлікті бояу үшін 150 мың теңге жұмсалады екен. Бұған қазынадан қаржы бөлінбей, біз өзіміздің қалтамыздан төлейміз. Бұл біз үшін қымбат. Сондықтан көліктерді біртіндеп бояй бастаймыз, - дейді Марат Ластаев.

Ең алдымен, Өскемен мен Семейдегі көліктер бояла бастайды, одан кейін ғана аудан ауруханаларындағы көліктер «сарыға» айналмақ.

- Ақ жедел жәрдем көлігіне қарағанда, сары түсті жедел жәрдем көлігі көзге тез шалынады. Сол себепті жүргізушілер де көліктің жүруіне жол босатып, оның мекенжайға тез жетуіне көмектеседі, - дейді бас дәрігер.