ШҚО-да қалта қағушы «кәсіби» ұры ұсталды

ШҚО Ішкі істер департаментінің хабарлауынша, қаскүнем ұры автобус пен аялдамада жүріп, адамдардың қалтасын қаққан. Мәселен, 30 қараша күні №11 автобуста отырған 17 жастағы студенттің бағасы 80 мың теңге тұратын ұялы телефонын ұрлап кеткен.

Ал 9 қараша күні 25 жастағы жігіттің 50 мыңдық смартфонын қолды қылған. Үшінші рет 56 жастағы әйелдің 40 мыңдық ұялы телефонын «қаққан».

- Күдікті тергеу изоляторына алынды. «Ұрлық» бабы бойынша алдын ала тергеу жұмыстары басталды, - дейді ШҚО ІІД баспасөз қызметі.