Өскемен мен ШҚО Өскемендегі даңғылдардың біріне Қазыбек би атауы берілмек
ЖМК ауданындағы Карл Маркс даңғылы Қазыбек би атауына ауысуы мүмкін
Қалалық мәслихат депутаттары Карл Маркс көшесін Қазыбек би деп атау жөніндегі ұсынысты қабылдады.
- Облыстық сот қызметкерлері, Ақсақалдар кеңесі және 19-шы шағын ауданның тұрғындары даңғылға «Қазыбек би» атауын беру туралы ұсыныс айтып, қалалық әкімдікке жүгінген. Жұмыс тобы құрылып, құжаттары реттелді, - дейді қалалық мәслихат депутаты Майраш Екібасова.
Дегенмен, ономастикалық атауды беру туралы нақты шешім қабылдана қойған жоқ. Мұны тек республикалық ономастика комиссиясы шешеді.
