Өскемен мен ШҚО Бородулихада өрт болып, бірнеше үй өртеніп кетті
Өрт сөндірушілер тұрғындар от шыққандығы жайында дер кезінде хабарламаған деп отыр
Бородулиха ауданында 220 шаршы метр тұрғын үй өртеніп, бір отбасы баспанасыз қалды. ШҚО ТЖБ өрттің әлі толық өшпегенін, тек тұтап қана жатқанын айтады.
- Екі пәтер мен фельдшерлік пункт толықтай өртеніп кетті. Ал өрт ескі пештен тұтанған шоқтан шыққан. Пештің тұтап жатқанын көрген үй тұрғыны қолына баласын алып, көршісіне кетіп қалған. Түтін өшсін деп, терезелерді ашып кеткен көрінеді, - дейді мекеменің баспасөз қызметі.
Үйдің ішіндегі барлық зат-мүлік, құжаттар өртеніп кетті. Ешкім зардап шеккен жоқ.
