Өскемен мен ШҚО Тонаушылардан әжейді құтқарам деген өскемендік жамбасынан жарақат алған
32 жастағы қала тұрғыны зейнерткерден пакет тартып алмақ болған екі қылмыскерді өзі тоқтатпақ болған
Дүйсенбі күні Тәуелсіздік даңғылы көшесіндегі аулалардың бірінде екі тонаушы 92 жастағы әйелдің әмиян салынған пакетін тартып алмақ болған.
Бұл сәтте жандарынан өтіп бара жатқан 32 жастағы ер адам көмекке асыққан. Күрес барысында қаскүнемдер ер адамның жамбасына пышақ салып үлгерген.
- Зардап шегуші 102 каналына хабарласып, полиция шақырған, - дейді Өскемен қалалық ІІБ баспасөз қызметі. - Оның куәлігімен күдіктілер бірден ұсталған.
Күдіктілердің бірі төрт рет сотталған 39 жастағы Өскемен тұрғыны мен жеті рет сотталған 50 жастағы азамат. Олар өз әрекеттерін мойындады.
Тонаушыларға қатысты ҚР ҚК 191 бабы 1 тармағы және 293 бабы 3 тармағы бойынша қылмыстық іс ашылды.
Әжеге көмекке келген азаматты тәртіп сақшылары марапаттайтын болды.
