Өскемен мен ШҚО Өскеменде 54 жастағы әйелді өзінің әріптесі тонап кеткен
Қаскүнем әйел әріптесінің үйіне жасырынып кіріп, 2 млн теңгеге тең бағалы бұйымдарын ұрлап кеткен
Полицияға арызданған Өскемен қаласының тұрғыны сырға, жүзік, алтын алқа сынды бағалы заттарының қолды болғанын айтып, оның жалпы бағасы 1 млн 700 мың теңгеге тең екендігін хабарлаған.
Полицейлер оқиға ізіне түсіп, ұрлықшыны тауып алған. Ал ол болса, 25 жастағы егде әйелдің ұжымдас әріптесі болып шыққан. Ол ұрланған заттардың жартысын қайтарып берген.
- Күдікті қолды қылған кей заттарды сатып үлгерген. Түскен ақшаны жұмсаған, - дейді ШҚО ІІД баспасөз қызметі.
Қазіргі уақытта «Ұрлық» бабы бойынша қылмыстық іс ашылды. Полицейлер жас әйелдің қалай пәтерге кіргенін анықтау үшін тексеріс жүргізуде.
