Өскеменде жаңа балабақша бой көтерді

№13 «Дария» балабақшасының бой көтеруіне облыс орталығының ірі компаниялары 416 миллион теңге көлемінде қаражат бөлген. Соңғы жылдары Арматурный өңіріндегі бүлдіршін балалардың артуы да, арнайы мекеменің қажеттілігін танытқан. 

- Тұңғыш Президент күнінде жаңа балабақшаның ашылуында болу да үлкен бақыт, - дейді ШҚО әкімі Даниал Ахметов. - Біздің облысымыз өзінің кішкентай азаматтарын жүз пайыз мектепке дейінгі мекемемен қамтып отырған өңірлердің бірі. Мұның барлығы өзіміздің ұлы замандасымыз Президент Нұрсұлтан Назарбаевтың еңбегінің жемісі.

Айта кету керек, балабақшаның ашылуы тек балалардың білім жолын ғана емес, облыс орталығынан шалғайда орналасқан аудан тұрғындарын жұмыспен қамтуға да септігін тигізеді.