Өскемен мен ШҚО ШҚО Білім беру басқармасы: Мұғалімдерге сыйлық жасауға болмайды
Мектепте мәжбүрлі түрде қаржы жинауға тыйым салынды. Сонымен қатар, ата-аналар мен оқушылардың мұғалімдер мен директорларға сыйлық жасауы да дұрыс емес
Сондықтан Жаңа жыл мерекесіне орай, мектепте ешқандай қаржы жиналмауы керек екен. Мұны ШҚО Білім беру басқармасы ескертіп отыр.
- Егер мектепте жаңажылдық сыйлықтарды сылтау етіп, мәжбүрлі түрде қаржы жиналатын болса, онда Білім беру басқармасының жедел желісіне 701-828 телефонына не ҚР Мемлекеттік қызмет істері және сыбайлас жемқорлыққа қарсы іс-қимыл агенттігінің ШҚО бойынша департаментіне хабарласып, көмек сұрасыңыз болады, - дейді ШҚО Білім беру басқармасының орынбасары Әсел Қайырбекова.
Дегенмен, мектептегі ата-аналар комитеті өзара келісе отырып, «Шырша» мен жаңажылдық сыйлықтарға қаржы жинаса болады. Алайда мәжбүрлеуге ешкімнің хақысы жоқ.