Өскемен мен ШҚО Шығысқазақстандық сүт республикада ең үздік атанды
Облыстағы сүт өңдеумен айналысатын «Эмиль» кәсіпорны елдегі ең үздік сүт өнімдерін шығарушы өндіріс орны деп танылды
Кәсіпорын республикалық «Үздік азық-түлік тауары» атты байқауда жеңімпаз атанған. Сүт, айран, йогурт сынды өнімдердің дәмін татқан әділ қазылар алқасы шығысқазақстандық кәсіпорынға өз таңдауларын берген.
- Марапат бізді алға жетелейді. Оның үстіне, тағы бір өндіріс орнын салуды ойлап отырмыз, - дейді «Эмиль» ЖШС директоры Анна Никифорова-Аберле.
Қазіргі уақытта кәсіпорында 500-ден астам адам жұмыс істейді, 60-тан астам өнім шығарады.
Ал аталған байқауда тағы бір шығысқазақстандық кәсіорын марапатқа ие болды. "Силумин-Восток" ЖШС «Үздік өндірілген тауар» номинациясының ІІ дәрежелі дипломына ие болды.
