Өскемен мен ШҚО ШҚО-да 145 тұрғын мүгедектік ала алмай жүр
Облыстық прокуратура денсаулық сақтау басқармасын бақылауға алып, мүмкіндігі шектеулі жандарға мүгедектік беруді талап етті
Облыстық кеңестік мүгедектер ісі жөніндегі жұмыс тобы 145 шығысқазақстандықтың мүгедектік алмағанын анықтаған. Олардың көпшілігіне күрделі, ауыр ота жасалған. Заң бойынша, күрделі ота жасалған адамдарға да мүгедектік берілуі тиіс болатын.
- Қазір тек бесеуі ғана мүгедектік алды. Алдағы уақытта қалғандарына да құжат берілетін болады, - дейді ШҚО Прокуратурасының қоғамдық мүддені қорғау басқармасының басшысы Рустам Шідердинов.
Кейін белгілі болғандай, азаматтардың көбі мүгедектік алудың жолдарын білмейтін болып шыққан. Сондықтан ХҚКО, сот, нотариус, салық төлеу комитеті сынды мекемелерге мүмкіндігі шектеулі жандарға қандай көмек көрсетілетіндігі жазылып ілінген.