Өскемен мен ШҚО 
Қазақстанда адам денсаулығына зиян азық-түліктер анықталды
ҚР Денсаулық сақтау министрлігінің Қоғамдық денсаулықты қорғау комитеті сөреде тұрған тауарларға тексеріс жасап, кейбір өнімдердің талапқа сай емес екендігін анықтаған
Жыл басынан бері 36 мың тауардың сырты мен іші тексерілген. Әсіресе, көпшілік тауарлардың сыртқы пішіні мен қаптамасы талапқа сай болмай шыққан. Құрамында өсімдік майы жоқ деп көрсетілген сүт пен сары майдың ішінен жалған қосындылар табылған. Ал «Халал» белгісі қойылған шұжық, консерві дайындаушы 11 өндірушінің өнімдерінен шошқа еті табылған.
Балалардың ойыншығы мен тамақ түрлерінен де ағзаға зиянды заттар табылған. Мәселен мұндай өнімдердің 3/1 бөлігі фенол пен формальдегид сынды улы заттардың көп мөлшерде қосылғаны анықталған. Ал ойыншықтардың көбі Қытай мен Түриядан әкелінген.
Тексеріс барысында адам денсаулығына зиян 172 тонна өнімнің, 52 тонна азық-түліктің көзі жойылған. Ал зиянды заттар сатқаны үшін өндірушілер 11 млн теңге айыппұл төлеген.
