Оқушыларға арнайы автобус шығарылды

Шығыс Қазақстан облысының түкпір-түкпіріндегі ауылдарға арнайы балаларға арналған автобустар қатынайтын болады. Өндірушілердің айтуынша бұл автобустар балаларға барынша қолайлы болады.

- Былтырғы жылдың басында Астана қаласында бұл жобаны алғаш ұсынғанбыз, - дейді "Daewoo Bus Kazakhstan" ЖШС бас директорының орынбасары Марат Макишев. - Астана әкімдігі бұл автобустарды сатып алатындығын хабарлаған. Бірақ кейін ол жүзеге асырылмады. Сондықтан Шығыс өңірінің әкімдігі бұл жобаға қызығушылық тудырды. Жуықта 17 автобус облыс төңірегіндегі мектептерге жіберіледі.

Автобустар өзінің түсімен де ерекшеленеді. Өндірушілер бұл үшін балаларға арналған арнайы орындықтарға тапсырыс берген. Автобусқа 37 бала сияды және мұғалімге арналған жеке орындық бекітілген.