Жүргізуші куәлігінен айырылған нашақор қайтадан рөлге отырған

Ер адам жүргізуші куәлігінен айрылған. Алайда құжаттың жоқтығы тәртіп бұзушыны тоқтатпай, есірткі қолданған соң қайтадан рульге отырған. Қаланың орталық көшесінде айналшықтап жүрген көлікті көрген полиция қызметкерлері құжаттарын тексеру үшін тоқтатқан. Анықталғандай, жүргізушінің куәлігі болмай шықты. Сараптама көрсеткендей ер адам «ләззаттанып жүрген». Аягөз аудандық сотының баспасөз қызметі хабарлағандай, тәртіп бұзушы 200 сағатқа қоғамдық жұмысқа салынып, жүргізуші куәлігінен үш жылға айрылған.