Өскемен мен ШҚО Өскеменде қар жауа бастағанда-ақ қар тазаланатын болады
Биыл «Өскемен-Тәртіп» кәсіпорны қар тазалауға көп мән бермек. Сондықтан қар жауа бастағанда-ақ қаланың іші мен сырты бірден тазалана басталмақ
Қаланың әрбір ауданына экипаж тағайындалып, тракторлар бөлініп берілген.
- Қар ЖМК мен Согра аудандарына көбірек түседі. Сондықтан бұл ауданға бірнеше трактор артық бөлінген. Бұған дейін қар 2 см түскеннен кейін тазаланатын болса, енді қар жауа бастағанда-ақ тазалана бастамақ, - дейді «Өскемен-Тәртіп» ЖШС басшысы Тамара Рахимжанова.
Қызметкерлер ең алдымен, үлкен көшелерді тазалап шықпақ. Одан кейін оған жапсаралас жатқан кіші көшелерді қардан тазалайды.
- Мәселен, Тәуелсіздік даңғылын тазалауға алты трактор бөлінген. Бес трактор даңғылдың өзін тазаласа, біреуі жаяу жүргіншілер жолын тазалайды, - дейді Тамара Рахимжанова.
Қары тазаланбай қалған көшенің тұрғындары коммуналды қызметтің жедел желісіне хабарласып, ескертсе болады. Желі телефоны: 53-22-77
