Өскемен мен ШҚО Нашар көретін жандардың құжаттары қайта жасалады
Нашар көретін адамдардың құжатында мүгедек жанның қай топқа жататындығы көрсетілмегендіктен, қоғамдық көлікте тегін жүру құқығын ала алмай жүрген
ШҚО Қоғамдық кеңесінің мүгедек жандар ісі бойынша құрылған жұмыс тобы нашар көретін адамдардың қоғамдық көлікте тегін жүре алмай жүргенін айтады. Өйткені олардың құжатында мүгедектіктің қай тобына жататындығы көрсетілмеген.
- Құжатты көрген кондукторлар «мұнда мүгедектің қандай топқа жататындығы көрсетілмеген» деп нащар көретін жандардың өзінен жолақысы талап ететін көрінеді. Өйткені заң бойынша, бірінші және екінші топтаға мүгедек жандар ғана автобуста тегін жүре алады. Ал нашар көретін жандардың құжатында бұл көрсетілмеген. Денсаулық сақтау басқармасы құжат берер кезде тек кодтама ғана басқан. Бұл оның нақты қай топқа жататындығын көрсетпейді. Сондықтан алдағы уақытта денсаулық сақтау басқармасы бұл құжатқа зағип жанның қай мүгедектік топқа жататындығын анықтап жазатын болады, - дейді ШҚО прокуратурасының қоғамдық мүддені қорғау жөніндегі басқарма басшысы Рустам Шідердинов.
