Өскемен мен ШҚО Облыстағы кейбір жолдар ақылы болмақ
Жолдың ақылы болатындығын «ҚазАвтоЖол» ұлттық компаниясының Шығыс Қазақстандағы филиалы айтып отыр
Жолдарға ақы төлеу жүйесі биыл енгізілмесе де, екі-үш жылдан кейін енгізіледі.
- Көлік жүргізушілері республикалық деңгейдегі тас жолда қатынағаны үшін ақы төлейтін болады. 2020 жылдан бастап Павлодар-Семей-Қалбатау бағытындағы 448 шақырымға созылатын тас жол мен Қалбатау-Өскемен арасындағы 98 шақырым ақылы болмақ. 184 шақырымға созылатын Таскескен-Бақты, 647 шақырым Қарағанды-Аягөз және 190 шықырымды құрайтын Аягөз-Қалбатау жолдары да ақылы бола бастамақ, - дейді филиал директоры Арман Жүсіпов.
Жолға ақы енгізу мұнымен тоқтап қалмайды. 2021 жылы Қалбатаудан Зайсан арқылы Қытай шекарасына шығатын жол мен Өскеменнен Шемонаиха арқылы Ресей шекарасына, Семейден Ресейге қатынайтын жолдар да ақылы болады.
Әзірше жол бағасы қанша болатындығы белгісіз.
