Өскемен мен ШҚО 
Өскеменге 456 тонна дизель отыны жеткізілді
ШҚО әкімі баспасөз қызметі солярка отынын қандай жанармай құю бекеттерінен сатып алуға болатындығы жайында ақпарат берді.
Өскемен қаласындағы жанармай құю бекеттерінің кейбірі қолма-қол ақшаға солярка сатып жатса, кейбір бекеттер талон арқылы саудалауда.
Мәселен, "Sinooil" жанармай құю бекеттерінде (олардың саны – 9) солярканың литрі 157 теңгеден, "Nomad oil" жанармай бекеттерінде (олардың саны – 5) 162 теңгеден сатылуда.
Ал «ҚазМұнайГаз» жанармай құю бекеттерінде солярка 155 теңгеден, «Гелиос» бекеттерінде 160 теңгеден сатылғанымен, мұнда тек талон арқылы берілуде.
Қазіргі уақытта Өскемен қаласында 456 тонна дизель отыны жеткізілген. Ал алдағы уақытта тағы да 300 тонна солярка отыны жеткізілмек. Павлодар мұнай зауытынан 440 тонна, Шымкент зауытынан 325 тонна дизель отыны Шығысқа жеткізілу үшін тиеліп жатыр.
