Өскемен мен ШҚО Адамдар Жаңа жылды лайықты атап өтсін – ШҚО әкімінің орынбасары
Адамдарға жалақы бойынша қарыздары өтелуі үшін прокуратура мен еңбек инспекциясының қызметкерлерінен жауапкершілік талап етілді
Облыстық әкімдік отырысы барысында өңір басшысының бірінші орынбасары Нұрымбет Сақтағанов Жаңа жылға дейін шығысқазақстандықтардың жалақы бойынша қарыздары толық өтелуі керек екенін айтты.
- Барлық ресурстарға жүгінсеңдер де, адамдардың мерекені лайықты өтеуіне жағдай жасаңдар, - деді Нұрымбет Сағындықов.
2016 жылдың күзінен бастап Еңбек инспекторлары алақол жұмыс берушілерге қатысты ұйғарым шығара алмайды. Себебі олар бұл сұрақтарда үшінші жақ болып қалған. Мұнымен қоса ағымдағы жылдың жаз мезгілінен бастап мұндай құжатты облыстық прокуратура да жаза алмайтын болды. Бұл жұмысшылардың жалақы қарызы бойынша үрдісті біршама қиындатып жіберген.
- Прокуратураның қолдауымен атқарушы құжаттардың тізіміне ұйғарымдарымызды енгізу туралы ұсынысты Әділет министрлігіне жібердік, - дейді ШҚО Мемлекеттік еңбек инспекциясы басқармасы басшысының орынбасары Қайрат Әбілқайыров.
Оның айтуынша, екі мекеменің ынтымақтастығы арқасында облыстық кәсіпорындардың жұмысшылар алдындағы қарызы азайған. Жыл басынан өңірлік ұйымдар қызметкерлеріне 500 миллион теңге қарызданған. Бірақ инспекторлар мен прокурорлар қарызды 84 миллион теңгеге дейін төмендетіп, жұмыстарын әлі жалғастыруда.