Ескірген су электр станцияларын зерттеуге қаражат жетпеуде

Өскемен мен Семей қалалары Өскемен, Шүлбі және Бұқтырма су қоймаларының бойында тұр. Көптен бері зерттелмеген және жаңармаған су техникалық құрылымдар өңірді су басу қаупінен сақтап тұр.

Құрылыс барысында жасалған есептер әбден ескірген. Одан бері дамбылардың кейбір бөлігі қайта салынып, бекітілген болатын. ТЖ Бойынша Департамент мамандары үш су қоймасында зерттеу жұмыстарын жүргізу үшін 100 миллион теңгенің қажет екенін айтады.

Су жүйелері және су техникалық құрылымдар қауіпсіздігі бойынша тәуелсіз сарапшы Анатолий Белослюдовтың айтуынша, қауіпсіздікке бұлай бейқам қарау облыс орталығының тұрғындарына үлкен қауіп тудыруы мүмкін. Мұнымен қоса ол зерттеу нысандарына Риддер қаласындағы Кіші Үлбі су қоймасын да алу керек деген ұсыныс айтады.

- Мысал келтірейін. 1979 жылы Тишин қалдыққоймасында небары 1,5 млн куб километр су бөгетті жарып кетті. Мұның салдарынан 350 метр темір жол бұзылып, екі адам қаза тапты. Ал су Өскемендік ЖЭО құралына дейін жетті, - дейді Анатолий Белослюдов.

Маманның айтуынша, Кіші Үлбі су қоймасының жарылуына жол берілсе, 53 шаршы километр су бөлініп, Үлбі өзеніне барып құйылады. Ол «Рассвет» фабрикасы аймағындағы көпірді, Бипэк Авто, "УК ТЭЦ" ЖШС, "УМЗ" АҚ және "Казцинк" ЖШС сынды кәсіпорындарды шайып кетеді.

Экологтар мен қоғамдық бірлестік өкілдері бұл сұрақтарды дөңгелек үстел барысында талқылады. Бірауыздан кешенді зерттеу жүргізу керек деген шешім қабылданды. Қазір барлығы қаржыландыруға келіп тіреледі. Бірақ мұндай ірі соманы бөлу сұрақтары Үкіметтік деңгейде шешіледі.