Өскемен мен ШҚО Семейде есірткі сатушы ұсталды
Семейлік тұрғынның қалтасынан бір келіге жуық марихуана мен жарты келі анаша табылған.
Қала тұрғындарының бірі полиция бөлімшесіне қоңырау шалып, Энергетик шағын ауданында орналасқан дүкен маңында белгісіз біреулердің есірткі сатып жүргенін хабарлаған.
Полиция қызметкерлері хабарласқан тұрғыннан көмек сұрап, жасырын түрде барып әлгі сатушылардан ескірткі сатып алуын өтінген. Тұрғын 60 мың теңгесін алып, сатушыдан бір келіге жуық есірткі затын саудалаған.
42 жастағы тұрғының қалтасы мен заттарын ақтара келе, полицейлер бір келіге жуық марихуана мен жарты келі анаша тауып алған. «Саудагер» бұрын сотты болған екен.
