Өскемен мен ШҚО Өскеменде саяжай тұрғындары істік үшін төбелесіп қалды
Учаске бойынша көршілес тұрғындардың қайшылығы дене жарақаттарымен аяқталды
Өскеменде абайсыз орта деңгейдегі дене зақымын келтірген 68 жастағы тұрғын кінәлі деп танылып, сотталды.
Облыс оралығының тұрғыны саяжай учаскесіне келіп, көлігін орналастырған соң, қақпасын жаба алмай қойған – сүйеніші жоғалып кеткен. Қарсы үйдегі көршісі болған жайтты бақылап тұрған. Саяжайға келген әйел істікті сол алды деп, қайтаруын өтінген. Бірақ ер адам әйелге таяп келіп, итеріп жібереді. Құлаған әйел басымен соғылып, есінен танып қалған.
- Қайшылық бұл оқиғаға дейін бірнеше ай бұрын басталды, - дейді зардап шегуші сотқа. - Ол өз-өзімен ашыла беретін қақпамды жауып қоюымды ескертті. Мен істік салып қойдым. Бірақ келесі күні таппай қалдым. Полицияға оның жоғалғаны туралы хабарласам да, табылмады.
Саяжай тұрғынының неліктен ер адамды ұрлыққа айыптағаны белгісіз. Ауруханада жабық бас-мүйек зақымын алғаны, жіліншігі сынғаны анықталды.
Отырыс барысында зейнеткер болған оқиғаға қатысы жоғын, әйелдің өзі құлап қалғанын мәлімдеді. Өскемен қалалық №2 соты оны кінәлі деп тауып, 57 мың теңге айыппұл салды. Сонымен қатар ер адам 180 мың теңге көлемінде моральды және материалды шығын өтеуі керек.