Өскемен мен ШҚО 
Өскеменде атауларды өзгерту бойынша жұмыс тобы құрылды
Облыста тарихи тұрғыдан ескірген жер-су, мекеме атауларын өзгерту туралы Мәдениет министрлігінің ұсынысы бойынша жұмыстар басталды
Құрамына ғалымдар, мемлекеттік қызметкерлер және қаланың құрметті азаматтары мүшелікке енген ономастика жұмыс тобы осы күнде үш отырыс өткізген.
Топ қала тұрғындарынан келіп түскен ұсыныстарды қарайды. Билік өкілдерінің айтуынша, қазір құжаттарды зерттеп, талқылау үрдістері жүруде.
Мысалы, жұмыс тобы Колхозная көшесіне Ақсу атауын беруді қолдамады. Жұмыс сапары барысында бұл сайлау округінің депутаты халықпен кездесіп, бұл ұсынысты жеткізген. Қала тұрғындары бас тартқан.
- Тұрғындардың бар ұсыныстары мәслихатқа келіп, БАҚ-та бір ай бұрын жарияланады. Сол сияқты тұрғындармен бірнеше кездесулер өтеді, - дейді қалалық мәдениет бөлімі басшысының орынбасары Бақытжан Сағынқазы.
Тілдерді дамыту басқармасы хабарлағандай, олардың қарауына Өскемен қаласы бойынша ешқандай құжат келмеген.
Естеріңізге саламыз, алдыңғы жылдың қаңтар айынан бастап атауларды өзгертуге қойылған мораторий аяқталады.