Өскемендік зейнеткер жолдың үстінде ұйықтап қалған

Зейнеткер Прохладный ауданындағы көшелердің бірінде ұйықтап қалған. 21 жастағы жүргізуші жолда жатқан адамды басып кете жаздаған. Көлігінен түсіп жолда жатқан қарияны көріп, біреу көлікпен қағып кетіп, оқиға орнынан қашып кеткен екен деп ойлап, полицияға хабарласқан.

Ал тәртіп сақшылар болса, жас жігіттің өзін кінәлап шыққан.

Мәселеге айғай-шудан оянып кеткен қарияның өзі нүкте қойған. Қарияның сөзіне қарағанда, мас күйінде жолдан өтіп келе жатып, шаршап жолға жатып ұйқыға кеткен. Қарт ешкімге кінә артпайтындығын, «шынына келгенде, үйге асығып бара жатқанын» айтқан.

Полиция қызметкерлері жас жігітке алғыс айтып одан кешірім сұрап үйіне қайтарған.