Өскемен мен ШҚО Өскеменде 4 млдр теңгені жымқыруға қатысты өтіп жатқан сотқа 20 адам қатыстырылмай қойды
Қазынадан 4 млдр теңге жымқырды деп айыпталған Виктор Майға қатысты сот үкімі осы бейсенбіде шығарылатын болады.
Өскемен қаласы Мемлекеттік кіріс басқармасының бұрынғы басшысы Виктор Майға қатысты сот, тергеу амалдары екі жылға созылды. Ал бүгін, 31 қазан күні, ауданаралық мамандандырылған сот алқасы істі қайта қарап, үкімді бейсенбі күні шығаратындығын айтты.
Дегенмен сотқа қатысуға келген 20 шақты тұрғынды полиция қызметкерлері сот залына жібермей қойды.
- Сот шағын залда болды, - дейді әйел тұрғын. - Сот үкімін залда емес, дәлізде тұрып тыңдауға мәжбүр болдық.
Сотта күдіктілердің барлығы өзінің кінәсіз екендігін әрі төрағадан әділ шешім күтетіндігін айтты. Ал өткен сотта Хижниченко есімді азамат Виктор Майды мүлдем танымайтындығын айтқан болатын.
Дегенмен, сот амалдары екі жылға созылса да, ешкім 4 млдр теңгенің қайда кеткенін түсіндіріп бере алмады.
