Өскемен мен ШҚО Сәрсенбі күні Ертіс өзені тасиды
Өзен суы 25 қазан күні көтеріледі деп күтілуде.
Мамандар бұл күні өзен түбіндегі көтеріп-түсіру құрылымынан «Шоқан Уәлиханов» теплоходын ажыратып алмақ, соған орай судың көлемі көтерілуі мүмкін.
Ертіс бассейндік инспекциясының мәліметіне қарағанда, Өскемен су электр станциясынан жіберілетін су мөлшері 1060 текше метрді құрайды.
Соған байланысты Төтенше жағдайлар басқармасы Өскемен қаласының тұрғындарынан өзен жағасына көліктерді қоймауын, бағалы заттары мен жиһаздарын жоғары жаққа қоюын өтінеді.
