Риддерде тосап пен тұздалған азық-түліктерді ұрлаған ұрылар ұсталды

33 жастағы және 25 жастағы екі ер адам қаладағы гараждардың есігін күштеп ашып, ішіндегі азық-түліктерді ұрлаған.

Күдіктілер гараж есігін бұзып кіріп, ішінде көлік саймандарын ұрлаған. Тіпті, гараждағы тұздалған азық-түлік пен тосап банкілерін де қолды қылған.

Қаскүнемдер жеті гаражды тонаған екен. Тұрғындардың қалтасына, шамамен, бір миллион теңге шығын келтірген.

- Ұрланған заттардың көп бөлігі қайтарылды. Қазіргі уақытта «Ұрлық жасау» бабы бойынша қылмыстық іс қозғалуда, - дейді ШҚО ІІД баспасөз қызметі.

Екі ұры да уақытша ұстау изоляторына қамалған.