Өскемен мен ШҚО Семей жағалауында жүгірушілерге арналған жол салынбақ
Семей қаласындағы жағалаудың абаттандыру жұмыстарына биыл 348 млн теңге жұмсалған.
Қазіргі уақытта Семей қаласында Ертіс жағалауының құрылыс, абаттандыру жұмыстары аяқталды. Жағалауда серуендеушілерге арналып үш жол салынды.
Жағалаудың бойында жаңа тас төсеуіштер қойылып, жарық шамдары орналастырылды. Велосипедшілер жолы, бүлдіршіндерге арналып ойын алаңы, спортшылар үшін жаттығу алаңы салынды. Ең бастысы, жағалау жанындағы субұрқақ қалпына келтірілді. Ол ендігі жаздан бастап қосылады.
- Субұрқақты салу мен жағалауды абаттандыруға 348,2 млн теңге жұмсалды. Ендігі жылы жүгірушілерге арналған жол салуды ойлап отырмыз, - дейді Семей қаласы әкімінің орынбасары Николай Ушаков.
Ертіс жағалауында I love Semey атты сәулет туындысы да салынған еді.
