Бірнеше көлікті ұрлаған риддерлік ұры ұсталды

 Жұма күні түнде Риддердегі аулалардың бірінен жас азамат ВАЗ-2101 маркалы көлікті айдап кеткен. Дегенмен, құқықбұзушы ұрланған көлікпен алысқа қаша алмаған. Себебі көлік он метр жүргеннен кейін сынып қалған.

Алайда, ұры сынған көлікті сол жерде қалдырып, тағы бір көлікті айдап кеткен. Құқықбұзушы екінші ұрланған көлікпен істерін тындырып алғаннан кейін, оны Семенов көшесі бойында тастап кеткен.

Полиция қызметкерлері күдіктіні ізін суытпай ұстап алды. ШҚО ІІД баспасөз қызметінің ақпаратына сәйкес, бүгінгі күні жас азаматқа қатысты соталды тергеу амалдары жүргізілуде.