Өскемен мен ШҚО ШҚО полицейлері айыппұл төлемеген жүргізушілерді қатаң жазаламақ
Қазіргі таңда айыппұл төлеуден жалтарғаны үшін азаматтарға 10 АЕК мөлшерінде айыппұл төлейді не он тәулікке қамауға алынады
Тәртіп сақшылары әкімшілік құқықбұзушылық туралы қаулыларды мәжбүрлеп орындату жөніндегі шараларды ұйымдастырған.
Төлемеушілерге қатысты ҚР Әкімшілік құқықбұзушылық туралы кодексінің 669-бабы бойынша әкімшілік істер қозғалады. Бұдан басқа, кодекске сәйкес, айыппұл салынған автокөлік иелерінің көліктері арнайы тұраққа орналастырылады. Бір айта кететін жағдай, көлік иесі салынған айыппұлды толығымен өтемейінше оның көлігі тұрақта болады.
Айта кетейік, кеше Өскемен қаласының ІІБ қызметкерлері «Борышкер» рейдтік шараның аясында айыппұл төлемеген екі азаматтың көліктерін арнайы тұраққа орналастырған.
