Өскеменде қала әкімінің сыйлығына Жайдарман ойындары өтеді

Өскемен қаласы әкімінің сыйлығына ұйымдастырылатын республикалық әзіл фестивалі 17 қыркүйек күні сағат 18.00-де Металлургтер мәдениет сарайында өтеді

Ойын барысында төрт қала мен үш ауданнан келген қатысушылар сынға түседі.

Әзіл додасында Астана, Семей, Павлодар және Өскемен қалаларының және Аягөз, Катонқарағай, Көкпекті аудандарының командалары бақ сынайды.

Жас, батыл, креативті және белсенді қатысушылар шығармашылық жоспар құрып, алдағы ойынға дайындық үстінде.