Жаңадан сызылған жолақтың үстінен жол салынып жатыр

Өткен аптада, 5 қыркүйек күні, Бабкина мельница ауданындағы жолдың бетіне жолақ белгісі сызылған болатын. Сол күннің ертеңінде-ақ жолға жөндеу жұмыстары басталып кетті.

Өскемен қаласы ТҮКШ, жолаушылары тасымалы және автомобиль жолдары бөлімінің айтуынша, бұл жол телімінде екі брдей мердігер компания жұмыс жасауда. Олар «Комфорт» сауда үйінен бастап жолдағы шұңқырларды жөндеу бастаған.

Ал жүргізушілер болса, ең алдымен, жол жөнделуі тиіс, одан кейін ғана белгі сызылуы керек болатын дейді. Ал коммуналды бөлім қызметкерлері мұндай ағаттықта тұрған еш оғаштық жоқ дейді.

- Жұмысты мердігер компания атқаруда. Олар ауа-райдың ыңғайына қарайласа отырып, жұмыс жасауда. Жолда белгіленген жолақ жөндеу жұмыстарына еш кедергі келтіріп отырған жоқ, - дейді бөлім басшысы Асқар Жақсылықов.

Дегенмен, жолға жаңа асфальт салынып жатқандықтан, жолдағы жолақтың өшіп қалмауы мүмкін емес дейді көлік жүргізушілері.

Тақырыптар: Дороги в Усть-Каменогорске Ремонт дорог в Усть-Каменогорске Коммунальные службы Усть-Каменогорска