Өскеменде қарт адамды көлік қағып кетті: қария көз жұмды

Toyota Land Cruiser Prado көлігің жүргізушісі автотұрақтан шығып келе жатып, көліктің артынан қарияның өтіп бара жатқанын байқамай қалған. Алған жарақатының кесірінен қарт адам оқиға орнында көз жұмды. Оқиғаға қатысты 1983 жылы туылған азаматқа қатысты қылмыстық іс қозғалуда. Оған жол көлік ережесін бұзды деп айып тағылып отыр. Куәгерлердің айтуынша, жедел жәрдем көлігі оқиға орнына 40 минуттан кейін бір-ақ келген. Ал ол кезде қария әлі тірі болатын. Алайда Өскемен қаласы жедел медициналық көмек көрсету орталығы шақырудың 11.32-де келіп түскенін, ал бригаданың оқиға орнына алты минуттың ішінде жеткенін айтады.