Үйлену тойы кезінде қанды оқиға жасаған ер адам сотталды

Шығыс Қазақстан облыстық прокуратурасы хабарлағандай, оқиға Күршім ауданы тұрғындарымен өткізген тойханалардың бірінде болған салтанатты кеште орын алған. 33 жастағы қонақтар С және К ер азаматтар арасында жанжал туындаған. Араларындағы мәселені шешу үшін тойхана артына барып, сөзден кейін жұдырықтасуға көшкен. Нәтижесінде К қолына пышақ алып, С кеуде тұсына бірнеше рет сермеп, дене жарақатын түсірген. Жәбірленуші С ауыр жарақатар алған. Оған 29 жастағы танысы М көмекке келіп жеткен. Сол сәтте, суық қару ұстаған К, оған да шабуыл жасап, іш тұсына жеңіл түрде бірнеше жарақат келтірген. 

Кейін шабуылдаушы ұсталған. Оған қатысты сот процесі Күршім аудандық №2 сотында өткізілген. Мемлекеттік айыптаушы сот отырысында сотталушыны ауыр және жеңіл дене жарақаттар келтіргені үшін, сондай-ақ бұзақылық жасағаны үшін кінәлі деп тануды сұраған. Сот, айыптау тарабының уәждерімен келісіп, К ер азаматын 4 жыл бас бостандығынан айыруға үкім етті. 

Облыстық сотының апелляциялық сот алқасы сот үкімін күшінде қалдырып, сотталушының кінәсіздігі жөнінде жазған шағымын қанағаттандырусыз қалдырған.