Өскемендікер Құрбан Айт мерекесінде палау мен бауырсақтан дәм тата алады

Өскемендіктер үшін қазан-қазан палау басылып, бауырсақтар пысырылған. Сонымен қатар, бірқатар спорттық шаралар мен мерекелік концерт те мешіт алаңында өтеді. Ал 10.00-де ипподромда бәйге ұйымдастырылып, ұтысқа 1 млн теңге тігіледі. Одан өзге, қыз қуу, тазы жарысы да өтеді. Құрбан Айттың үш күнінде де Шығыс ауылында құрбан шалу рәсімі өтеді. Айта кетейік, бұл мереке Ораза айттан кейін 70 күннен соң басталып, 3 күнге созылады. Бұл күндер ұлы Меккеге қажылықпен аяқталады. Айт күндері Аллаһқа арнап құрбандық шалады, мал сояды.