Конституция күніне арналған салтанатты шара өтті

Жиынға аудан активтері, ақсақалдар, құрметті азаматтар, жастар және Қалбатау ауылының тұрғындары қатысты.

Салтанатты марштың сүйемелдеуімен №47007 әскери бөлімінің қызметкерлері Мемлекеттік Туды сахнаға алып келді. Бұдан соң Қазақстан Республикасының Мемлекеттік Әнұраны шырқалды.

Мәслихат хатшысы А. Сахметжанова құттықтау сөз сөйледі:

- 1995 жылғы 30 тамыз күні қабылданған Ата Заңымыз ең жоғарғы құндылық - адам мен оның өмірі және құқығы мен бостандығын екендігін айшықтай отырып даму жолының негізін қалады, - деп атап өтті.

Аталған шарада әр саладағы азаматтарға өз істерінің шеберлігі үшін «Құрмет грамоталары» мен «Алғыс хаттар» табысталды. Мерекелік шараға жиылған қонақтар аудандық «Ауылым - алтын бесігім» атты көркемөнерпаздар байқауының концерттік бағдарламасын тамашалады.