Өскемен коммуналды қызметіне неміс маманы келіп, дәріс беруде

Қала әкімі Қуат Тұмабаев маусым айында неміс маманы Гюнтер Нойммен кездесіп, халықаралық серіктестік бойынша қала шаруашылығын жүргіздің қыр-сырын үйретуге дәріс өткізуін өтінген болатын. Екі ай өткеннен кейін Өскеменге коммуналды шаруашылық пен қала құрылысы жөніндегі тағы бір неміс маманы Эрвин Флейшер облысымызға келді. - Қазіргі уақытта қаланың шаруашылық жүргізудегі мәселелердің себебін қарастырудамын. Зерттеп болғаннан кейін, мәселені шешудің жолдарын ұсынатын боламыз, - дейді Эрвин Флейшер. Неміс мамандары «Өскемен-Тәртіп» коммуналды кәсіпорынның қызметкерлерімен жұмыс жасайтын болады.