Өскемен мен ШҚО Өлгенше соққыға жыққан
Өскемен қаласының тұрғыны мас күйінде ер азаматты соққыға жығып, оқиға орнынан ізін суытқан
Алайда, полиция қызметкерлері қандықол қылмыскерді дер кезінде тұтқындады. Айта кетейік, оқыс оқиға өткен сенбіде 1-Арычная көшесіндегі үйлердің бірінде орын алған.
Тәртіп сақшыларының айтуынша, екі дос спирттік ішімдік ішіп отырған. Осылайша аяқасты екеуінің арасында жанжал туындап, 1989 жылғы азамат досын өлімші етіп сабаған.
- Күдікті оқиға орнынан қашып кеткен. Бірақ көп ұзамай тәртіп сақшыларының қолына түсті. Ер адам өзінің қылмысын мойындады. Қазіргі таңда уақытша ұстау изоляторына тоғытылды, - дейді ШҚО ІІД баспасөз қызметінің басшысы Бақытжан Торғаев.
Қылымыскерге қатысты ҚР ҚК 106-бабы, 3-тармағы бойынша қылмыстық іс қозғалды. Азаматтардың кикілжіңіне не себеп болғаны белгісіз.
Следующая →