Өскемен-Зырян тас жолында маршруттық көлік аударылып кетті

Зырян аудандық ауруханасы қызметкерлерінің айтуынша, иығынан зақым алған бір жол-көлік оқиғасынан зардап шегуші қазіргі таңда аудандық ауруханада жатыр. - 47 жасар бір ер адам бізге жеткізілді, - дейді Зырян аудандық травмотология меңгерушісі Әділ Тоқсанбаев. - Зардап шегушінің айтуынша, ол маршруттық көлікте қаза тапқан әйелдің жанында отырған. Көлік аударылғанда астында қалып, иығы сынып, аяқтары қысылып қалған. Жергілікті полиция бөлімшесіндегілер хабарлағандай, көлікте тоғыз жасар бала болған, оның кеуде қуысы жарақаттанған. Зардап шегушілердің барлығы Серебрянка медициналық бірлестігіне жеткізілген. - ЖКО кеше кешкі уақытта Өскемен-Зырян тас жолы бойында орын алған, - деп мәлімдейді Зырян аудандық ішкі істер бөлімі. - Апат себептері әлі белгісіз. Бәлкім, көлік жүргізу барысында жүргізушіні бірдеңе алаңдатса керек. Қазіргі таңда сараптама жұмыстары жүргізілуде. Mercedes маркалы шағын автобус жолдан шығып кеткен. нәтижесінде бір әйел көз жұмып, бес адам ауруханаға жеткізілді. Айта кеткен жөн, маршруттық көлік жүргізушісініе қатысты ҚР ҚК 345-бабы, 3-бөлігі бойынша қылмыстық іс қозғалды.