ШҚО тұрғындары полицияға арыз-шағымдарын ғаламтор арқылы жолдай алады

Бұл қызмет ҚР Бас прокуратурасы Құқықтық статистика және арнайы есепке алу жөніндегі комитет сайтында тіркелген. - Азаматтар өтінімді беру үшін өздерінің телефон нөмірлерін көрсету керек, - дейді облыстағы ведомства. Өтінім жіберілген соң, телефон нөміріне коды бар СМС хабарлама келеді. Кодты жүйеге тіркей отырып, тұрғын оқиғаның болған жерін нақты көрсетеді. Одан кейін өзінің жеке төлқұжаты нөмірі мен ЖСН-ін кіргізуі керек. Бұдан кейін болған оқиға жайында толығырақ мәлімет беруі керек. Егер қылмысқа қатысты қандай да бір құжат болатын болса, оны да электронды түрде жолдауға болады. Облыс прокуратурасы тұрғындардың қандай да бір оқиға жайында хабардар алдында жалған ақпаратты бермеу жөніндегі пунктіге қол қоюлары керек екендігін жеткізді. Сонымен қатар, жиналған деректердің негізінде аудан мен қаланың криминогенді картасы жасалады. Бұл өз кезегінде, тұрғындардың қай ауданда қауіпсіз екендігін жорамалдауға көмектеседі.