Ұлан ауданында 500 гектар жер өртеніп кетті
Өрт маңайдағы ауылдарға қауіп төндірген жоқ
Өрт 22 тамыз күні түстен кейін басталған. Облыстағы №34, №38 өрт сөндіру бөлімі мен Өскемен қаласы мамандандырылған бөлім қызметкерлері жалынды тек түнгі сағат үште ғана өшіре алған. Өрт сөндіру жұмысына 30 адам мен 12 техника жұмылдырылған.
Жарма ауданындағы Қарасу ауылдық округі маңында тағы бір өрт басталған. Өрт сөндіру жұмыстарына 30 адам мен 8 техника жұмылдырылған.
Екі өрт де аяқ астынан, білместіктен орын алған. Мамандар тұрғындардан өрт қауіпсіздігіне мұқият қарауын өтінеді.
Айта кетейік, ШҚО-да бүгінге дейін 600-ден астам дала өрті орын алған.