ШҚО-да 19 кәсіпкерге жағармайды әдейі қымбатқа сатты деп айып тағылды

ҚР Ұлттық экономика министрлігі табиғи монополияны қадағалау, бәсекелестік пен тұтушылар құқығын қорғау жөніндегі комитет Шығыс Қазақстан облысында жанар-жағармай сатумен айналысатын 19 ұйымды бір-бірімен келісу арқылы жалған баға қойды деп күдіктейді. Кәсіпкерлер сөз байласу арқылы жанар-жағармайдың бағасын әдейі көтермелеп қоюуы мүмкін. - 2016 жылдың тамыз айынан бастап желтоқсан айына дейінгі кезең және 2017 жылдың қаңтар-ақпан айлары үшін Шығыс Қазақстан облысы бойынша мұнай өнімдерін (АИ-92/93, 95, ДТ маркалы бензин) бөлшек саудада өткізу тауар нарығын талдау қорытындылары бойынша Департаментпен мұнай өнімдерін бөлшек саудада өткізу бағаларын жоғарылату бойынша бәсекелестікке қарсы келісілген іс-әрекеттер бөлігіндегі бәсекелестікті қорғау саласындағы заңнаманы бұзушылық белгілері қарастырылды, - делінген ведомстваның ресми сайтында. Тексеріс жұмыстары аяқталып қалды. Енді тергеу амалдары басталмақ. Ал кәсіпкерлердің заңсыз әрекеті дәлелденетін болса, олар 58 млн теңге шамасында айыппұл төлеуі қажет болады.