Семей тұрғыны ұялы телефонының ұрланғаны туралы қауесет шығарды

Анықталғандай, семейлік тұрғын түнде Докучаев көшесінде белгісіз біреулер күш қолданып 110 мың теңгелік телефонын тартып алды деп полицияға шағымданған. - Тергеу барысында полиция қызметкерлері ешқандай тонау фактісі орын алмағанын анықтаған, - деп хабарлайды ШҚО ІІД баспасөз қызметі. - Ол ұялы телефонын сатып жіберіп, туыстары біліп қоймасын деп, полицияға тонау туралы арыз берген. Әдейі өтірік мәлімет таратқан ер адам қылмыстық жауапкершілікке тартылды.