Мектеп формаларына қанша ақша кетеді?

Ал киім-кешектің 90%-ы шетелден келеді. Яғни, он мектеп формасының біреуі ғана облысымызда тігіледі.

Облыста мектеп формаларын тігумен айналысатын 30 тігін өнеркәсібі бар. Ондағы киімдердің бағасы 5000-18000 теңге аралығында. Жергілікті өнеркәсіптің дамуына үлкен мән беретін Кәсіпкерлер палатасы ата-аналардан мектеп формаларын өңіріміздегі тігіншілерден сатып алуға кеңес береді.

- Облыста 658 мектеп бар. Онда 170 мың бала білім алуда. Облыс тұрғындары балаларын мектепке дайындау үшін жыл сайын 2 млрд теңге ақша жұмсайды. Ал ата-аналар болса, мектеп формаларының тек 10%-ын ғана жергілікті тігіншілерден сатып алады. Егер мектеп формаларын жергілікті кәсіпкерлерден сатып алатын болсақ, онда отандық өндіріске зор үлес қосқанымыз болар еді, - дейді ШҚО Кәсіпкерлер палатасының директоры Игорь Шацкий.

Облыста орналасқан мектептердің жартысынан астамы биыл арнайы киім тіктіріп, оқушыларына бермек.