Өскемен мен ШҚО 
Абай-Михаэлис қиылысында автобус өртенді
Қалааралық автобустан шыққан өртті Өскемен қалалық құтқарушылар сөндірді
Бүгін Өскемен – Астана бағытында жол жүріп бара жатқан автобус Михаэлис көшесі мен Абай даңғылының қиылысында өртке оранды.
Оқиға орнына өрт сөндірушілер келіп, өрттің жүк бөлімінен терезеге көшкені анықталды. Өрт 15 минут ішінде сөндірілді.
Қуанышқа орай ешкім зардап шеккен жоқ. Автобуста ешкім болмаған. Жүргізуші мен көмекшісі көліктен шығып, құтқарушыларды шақырған. Өрт сөндіруге екі техника мен сегіз адам жұмылдырылды. Өрттің шығу салдары – қауіпті құралды абайсыз пайдалану, - дейді Өскемен қалалық ТЖБ баспасөз қызметі.
