Өскемен мен ШҚО ШҚО-ның әрбір 23-ші тұрғыны мүгедек
Былтыр Абай, Үржар, Күршім, Бесқарағай және Бородулиха аудандарында мүгедектік салдары күрт өскен
Облыстық прокуратурада өткен мекемеаралық жедел жиналыс барысында мүгедектіктің қан, эндокринді аурулар мен психикалық қабынуға байланысты артатыны айтылды.
ШҚО прокуратурасының үшінші басқарма жетекшісі Рустам Шидердиновтың айтуынша, облыс бойынша өтетін миллиондаған скринингтен түк пайда болмай отыр.
- Денсаулық сақтау саласының көптеген қызметтері немқұрайлы өтіп, жыл сайынғы анализдері үлгілі негізде өте салады, - дейді Рустам Шидердинов. - Тіпті мүмкіндігі шектеулі адамдардың не себепті өсіп жатқаны да анықталмайды.
Облыстық прокуратура ұсынып отырған деректерде мүгедектіктің бес ауданда артқаны байқалады. Мысалы, Абай ауданында көптеген жыл ішінде алғаш рет экологиялық жағдайға байланысты адамдар бірінші санаттағы мүгедектікке ұшыраған. Мұнымен қоса заң бойынша Абай ауданы 1992 жылдан бері радиациялық қауіп өңіріне жатады. Яғни мұндай зерттеу жұмыстары жиі өтуі керек.
Сонымен қатар Рустам Шидердинов мүгедектерді сауықтыруды лайықты деңгейде жүргізбейтін Жұмыспен қамту басқармасына деген наразылық барын айтады.