Защита ауданында жаңа ойын алаңы пайда болады

Защита шағын ауданындағы теміржолшыларға арналған саябақта балалар ойнайтын жаңа бетон құйылған алаң ашылды

Балалар алаңына алдағы уақытта сырғанақ, алтыбақан, әткеншек, орындық орнатылмақ. Сонымен қатар, спортшыларға арналған турник, темір қабырғалар да орнатылады деп жоспарлануда.

Алаңның астында жұмсақ резинкалар қойылады. Өскемен қаласында дәл осындай тағы 23 спорт алаңы ашылу жоспарланып отыр.

- Қазіргі уақытта құрылыс салынатын жердің беті тегістеліп жатыр. Тегістеліп болған соң, кіші архитектуралық құрылыстарды бастаймыз, - дейді Өскемен қаласы ТҮКШ, жолаушылар тасымалы және автомобиль жолдары бөлімінің басшысы Асқар Жақсылықов.

Алаңдарды салуға бюджеттен 150 млн теңге бөлінген. Жұмыстар қыркүйек айында аяқталады.

Тақырыптар: Благоустройство Усть-Каменогорска Коммунальные службы Усть-Каменогорска Аскар Жаксылыков